| 【大城小廚好難食】 |
| 作者：Zoe小甜 |
日期：2008-06-08 |
地点：广州 荔湾 上下九地区 |
|
上星期去行街~
夜晚趕唔切返屋企!
唯有係岀邊解決喇...
好唔容易搵到間嘢有位嘅.
就係呢間大城小廚~~~
N年前食過覺得都可以.
所以今次再次揀返佢....
一入到門口~
哦?!呢間嘢空間好大吖..
但係~客人就靜係得小貓兩三隻.
坐低之後~睇下個menu先...
全部都寫兩個價錢.
大嗰個係會員價.
即係樓下sale嗰個價~
細啲嗰個.先係正常嘅價~
感覺有少少畀佢呃咗嘅感覺....
我哋求其點咗兩個飯.
同埋配咗兩盃招牌'特價'茉莉奶茶!
首先上咗兩盃奶茶~
哇!!妳唔係喇掛??!
好意思同我講呢盃係'招牌'?!
我從來未試過咁難飲嘅奶茶~
而且我覺得呢盃嘢根本稱唔上奶茶!!
口感超'削'吖.......
而且要茶味冇茶味.
奶味就更加一啲都冇喇!!
一味得個茉莉香精嘅味道~
感覺就好似一盃溝開四五盃嚟賣咁.
咁都叫招牌.掛乜知冇人幫襯喇....
當時我眞係有啲想即刻走人嘅感覺!!!!!
跟住上咗兩個飯.呵呵~
鷄扒飯不過不失都還可以接受嘅.
嗰個價值24蚊嘅'金菇肥牛飯'就認眞頂癮喇...
肥牛超級'腥'.完全冇霹過味咁~
而且燒到老鬼曬.完全咬唔開!!!
再講就係金針菇.我覺得佢冇洗過囖....
成陣草青味咁都算喇.
而且連啲根部都冇切走...
全部金針菇都仲係黐埋一堆噶!!
味道零分.口感零分.衛生零分.
黐綫噶咩?!呢間乜鬼嘢餐廳嚟噶?!
當時我同個經歷講~
佢仲話以前啲客覺得好好食.
當場眞係苦笑加無言吖!!
佢見到咁尷尬...
唯有話'我哋以後會註意噶喇'
妳以後註意有鬼用咩?!
重點係我以後都唔會幫襯妳喇...
總結~呢間位於十甫路嘅大城小廚.
眞係超級十分之咁唔掂吖!!!
啲嘢超級咁難食吖...
建議大傢唔好去~~~~~
|
 |
第1幅
金菇肥牛好難食~ |
 |
第2幅
鷄扒飯不過不失~ |
 |
第3幅
茉莉奶茶冇水準~ |
|
|
|
|
|
